Дэлхийн хамгийн урт кино Францад нээлтээ хийх гэж байна. Уг кино 150 цаг үргэлжилдэг аж.
"Синиматон” нэртэй энэхүү киног 1970 оноос хийж эхэлжээ. Киноны
найруулагчаар Жерард Коурант ажиллажээ. Тэрээр өөрийн уран бүтээлч
найзуудынхаа тухай киноны хэсгүүддээ мөн оруулсан аж.
Кино нь гурван минут 25 секунд үргэлжлэх хэсгүүдэд хуваагддаг байна.
Хэсэг тус бүр дээр киноны дүрүүдийн тухай гардаг аж. Одоогоор киног
бүтээх ажил хараахан дуусаагүй байгаа юм. Гэхдээ энэ сарын сүүлээр
нээлт болох аж. Уг кинонд найруулагч Кен Лоач, жүжигчин Роберто
Бенигни, Самуэл Фүллэр, шатрын аварга Жоел Лаутиер болон Терри Гиллиам
нар гардаг байна.
Найруулагч Ж.Коурант 1985 онд Францын Деаувиллийн кино наадмын үеэр
Т.Гиллиамтай санамсаргүй тааралдаж, киноныхоо зураг авалтад оруулж
байжээ. Ж.Коурант киногоо 100 жижиг хэсэгт хуваахаар төлөвлөж байгаа
аж. Уг киноноос түүний хамгийн дуртай хэсэг нь долоон сартай бяцхан
хүүхдийг харуулсан дүрслэл гэнэ. Тэрбээр ярихдаа "Энэ хэсэг хүний
сэтгэл хөдлөлийн бүхий л хэлбэрийг дөрөв хүрэхгүй минутын хугацаанд
харуулж чаддаг” гэжээ.