Манай улсын алт олборлолтын салбарт дээгvvр байр эзэлдэг "Бороо гоулд" компани
нийслэлд нэг сая ам.долларын хєрєнгє оруулалт хийхэд бэлэн байна гэж тус компанийн Ерєнхийлєгч Жон Казаков єчигдєр НИТХ-ын дарга Т.Билэгттэй уулзахдаа мэдэгдлээ.

"Спирт бал бурам” ХК Санхүүгийн зохицуулах хороонд (СЗХ) хаалттай компани болох хүсэлтээ энэ сарын 4-ний өдөр ирүүлээд байгаа. Өөрөөр хэлбэл, энэ нь олон нийтэд хувьцаагаа арилжихгүй буюу үнэт цаасны бүртгэлээс хасагдах хүсэлт гэсэн үг юм. Тус компанийн нийт хувьцааны 87,2 хувийг нэгдмэл сонирхолтой этгээдүүд эзэмшдэг бөгөөд хувь нийлүүлэгчдийн ээлжит бус хурлаасаа энэ шийдвэрийг гаргаад байгаа аж.

Монголчууд үе үеийн олимпоос ганзага хоосонгүй ирдэг ч 2008 оны Бээжингийн олимп яах аргагүй түүхэнд тод мөр үлдээх амжилт ялалтаар дүүрэн байсан билээ. Тэр дундаа боксын төрөлд тив дэлхийн аваргуудыг сөхрүүлж, Монгол түмнээ баясгасан хийморьлог хөвгүүдийн нэг бол Олимпийн мөнгөн медальт, хөдөлмөрийн баатар МУГТ П.Сэрдамба. Ард түмэн түүний гавьяаг халуун хүндэтгэлээр мялааж хүүхэд шиг цайлган занг нь өхөөрдөн хайрладаг билээ.

Томуугийн "А” хүрээний H1N1 вирус манай улсад бүртгэгдээд тав дахь долоо хоногийнхоо босгон дээр буурсан гэсэн үзүүлэлттэй гарчээ. Гэхдээ өвөл цаг дөнгөж эхэлж, хүйтний эрч чангарч байгаа энэ үед ард иргэд гахайн томуугийн өвчлөл буурч байна гэж тайвшралгүй тэжээллэг хоол хүнс хэрэглэж, дулаан хувцаслах, амны хаалтаа зүүх зэрэг наад захын томууны эсрэг арга хэмжээг тогтмол сахих нь чухал юм. Нийслэлийн Эрүүл мэндийн газрын мэргэжилтэн Н.Мэндсайханаас гахайн томуу болон ердийн томуу, томуу төст өвчин буурсан талаар тодрууллаа.

УИХ-ын Эдийн засгийн байнгын хорооны өчигдрийн хуралдаанаар Дэлхийн банкнаас авах 10 сая ам.долларын зээлийн тухай хэлэлцсэн юм. Уг асуудлын хүрээн дэх зарим зүйлийг тодруулбал, эрчим хүчний салбарт уг зээлийг 40 жилийн хугацаатай авахаар хоёр тал ярилцаж байгаа гэнэ. Өөрөөр хэлбэл, эрчим хүчний алдагдлыг нөхөх, цахилгааны шугам сүлжээг сайжруулах, цахилгааны хүчдэлийг нэмэгдүүлэхэд энэхүү 10 сая ам.долларыг зарцуулахаар Засгийн газар төлөвлөж буй. Харин зээлийн хугацаа буюу 40 жилийн эхний 10 жил нь хүүгүй, дараагийн жилүүдэд 0.75 хувийн хүүтэй, хэрэв зээлийг ашиглахгүй бол 0.5 хувийн хүүтэй байхаар талууд ярилцжээ.