2010.02.04
өдөрийн 14 цагт /Японы цагаар/ Сумогийн холбооны Ёкозунагийн зөвлөлд
"Зодог тайлах" болж байгааг хэлжээ. Түүний дараа хэвлэлийн хурал зарлан
сэтгүүлчдэд мэдээлэл хийсэн байна. "Асуудал бүхэн надад байна. Одоо бүх зүйл сайхан болно" "Өнөөдрийг
хүртэл намайг дэмжиж байсан бүх хүмүүст талархаж байна. Энэ шийдвэрийг
гаргаснаараа би мэргэжлийн сумо бөхийг орхиж зодог тайлах боллоо,
Харамсах зүйл байхгүй” -Таны хамгийн баярлаж байсан үе тань? -Хамгийн их баярлаж байсан үе маань ээж аавынхаа нүдэн дээр аварга Мусашимаруг унагасан явдал юм даа./нулимсаа арчив/. -Яг одоо та юу бодож байна? -Юу
ч бодохгүй байна. Би сумод үнэхээр дуртай. Үүрэг хариуцлагаа үүрээд
сууж байна. Хүмүүсийн болоод телевиз, радио, сонин хэвлэлээр бичээд
байгаа зүйл бодит байдал хоёр зөрөөтэй юм. Тийм болохоор би өөрөө
хамгийн сүүлд энэ бүх байдлыг цэгцлэх ёстой гэж бодсон. -Та тэгээд яагаад энэ талаараа тайлбар хийгээгүй юм бэ? -Энэ бол миний асуудал болохоор энэ талаар би яримааргүй байна. -Та одоо юу хийх вэ? -Би одоо амармаар байна. Би өдийг хүртэл өөрийн чадах бүхнээ хийсэн. /нулимсаа арчив/ -Сумогоос гарсны дараа та юу хийх вэ? -Сэтгэл санаа их сонин байна, энэ бүхний дараа. Сэтгэлээ ариусгая гэж бодож байна. Бас сайхан амармаар байна хэмээн тэрбээр сэтгүүлчдийн тавьсан асуултад хариулаад явсан. Түүний багш Такасагаагаас сэтгүүлч "Асашёорюү таны үнэхээр мартахааргүй шавь байсан уу?” гэсэн асуултад тэрбээр "Тэгэлгүй яахав” гэсэн товчхон хариулт өгөөд гарч одсон байна. "Зодог тайлахаар шийдлээ. Хийсэн хэргийнхээ хариуцлагыг хүлээхээс өөр арга алга. Одоо бол сэтгэл санаа амраад сайхан боллоо” "Би бүх хүнд талархсанаа илэрхийлж, зодог тайлж буйгаа мэдэгдэж байна” "Та
бүхний миний төлөө хийсэн бүхэнд баярлалаа. Одоо би зодог тайллаа"
"асуудал бүхэн надад байна. Одоо бүх зүйл сайхан болно. Би амар тайвныг
мэдэрч байна" "Би дэлхийгээр нэг асуудал тарьсан. Одоо энэ бүгдийг ухрааж, уучлалт гуйж байна”гэх
зэрэг мэдээллүүдийг хийлээ. Ийнхүү Монголын ард түмний бахархал болсон
Д.Дагвадорж эх орны зүг жолоо залан арлын Японыг орхиж байна. Долгорсүрэнгийн Дагвадорж нэр төртэйгөөр гэртээ тавтай морил.
|